डोंबिवलीत 'भारत समाज रत्न गौरव पुरस्कार २०२६' सोहळा संपन्न; सामाजिक बांधिलकीतून आदिवासी मुले आणि बालसंगोपन केंद्राला मदतीचा हात!

डोंबिवली (प्रतिनिधी):

सांस्कृतिक शहर म्हणून ओळखल्या जाणाऱ्या डोंबिवलीत शुक्रवार, १२ जून २०२६ रोजी 'भारत समाज रत्न गौरव पुरस्कार २०२६' हा अत्यंत दिमाखदार आणि प्रेरणादायी सोहळा संपन्न झाला. विविध क्षेत्रांत उल्लेखनीय कामगिरी करणाऱ्या गुणवंतांचा गौरव करण्यासोबतच, समाजातील वंचित आणि गरजू घटकांना मदतीचा हात देणे या उदात्त उद्देशाने या विशेष कार्यक्रमाचे आयोजन करण्यात आले होते.

या सोहळ्याला प्रमुख अतिथी म्हणून माननीय आमदार श्री. राजेश मोरे यांनी विशेष उपस्थिती लावून आयोजकांच्या या स्तुत्य उपक्रमाचे भरभरून कौतुक केले.

सामाजिक बांधिलकीचा अनोखा उपक्रम केवळ पुरस्कार सोहळा न ठेवता या कार्यक्रमामागे एक अत्यंत संवेदनशील उद्देश ठेवण्यात आला होता. दुर्गम भागातील आदिवासी गावातील मुलांना शैक्षणिक साहित्य वाटप करणे, 'ओमकार साई बालसंगोपन केंद्रा'तील अनाथ व सिंगल पेरेंट (एकपालक) मुलांच्या संगोपनाला हातभार लावणे, तसेच पावसाळ्याच्या पार्श्वभूमीवर आदिवासी पाड्यांवरील गरजू कुटुंबांना ताडपत्री वाटप करणे, यासाठी या कार्यक्रमाच्या माध्यमातून निधी गोळा करण्यात आला. या सामाजिक कार्याने उपस्थित सर्वांची मने जिंकून घेतली.

प्रमुख पाहुण्यांची मांदियाळीया दिमाखदार सोहळ्याला विविध क्षेत्रांतील नामांकित आणि प्रतिष्ठित मंडळींनी प्रमुख अतिथी म्हणून उपस्थिती दर्शवली होती. यामध्ये:

माधुरी ताई वाकळे, वैशाली शेलार, हिरेन सागर, श्यामसिंग वर्मा, ईशा भीसे, निशा जगताप, सुषमा देठे, शिवश्री सोहेल काझी, दिलीप साळवे, देविदास लोखंडे, नरेन चव्हाण, रुपाली टावरे, रवी निगम, तसेच डॉ. अमित दुखंडे, सुशील सामंत आणि रुपेश कोलते या मान्यवरांचा समावेश होता. या सर्वच पाहुण्यांनी कार्यक्रमाच्या मूळ हेतूचे कौतुक करत संस्थेच्या पाठीशी उभे राहण्याचा संकल्प व्यक्त केला.

कार्यक्रमाचे शिलेदार (आयोजक)हा संपूर्ण सोहळा यशस्वी करण्यासाठी आणि सामाजिक निधी गोळा करण्यासाठी आयोजक श्री. अनिल साळवे, श्री. अनिकेत हिंदळेकर, श्री. राकेश भोने, श्री. सचिन सागळे आणि संस्थेच्या मार्गदर्शिका श्रीमती सुविधा दांडेकर (माई) यांनी विशेष परिश्रम घेतले. आयोजकांच्या या दूरदृष्टीमुळे आणि चोख नियोजनामुळे हा कार्यक्रम केवळ मनोरंजनाचा किंवा सत्काराचा न ठरता खऱ्या अर्थाने 'समाजाभिमुख' ठरला.

आमदार श्री. राजेश मोरे यांनी आपल्या भाषणात सांगितले की, "डोंबिवलीसारख्या सांस्कृतिक शहरात जेव्हा असे सामाजिक भान ठेवणारे कार्यक्रम होतात, तेव्हा समाजातील शेवटच्या घटकापर्यंत मदत पोहोचण्यास मोठी मदत होते. 'ओमकार साई बालसंगोपन केंद्र' आणि आदिवासी बांधवांसाठी उचललेले हे पाऊल खरोखरच कौतुकास्पद आहे."