२६/११
भावपूर्ण श्रद्धांजली
भ्याड सारे आतंकवादी
अमानुष हल्ला देशावर
हसतमुखाने पोलीसांनी
गोळ्या झेलल्या छातीवर ||१||
गनिमीकावा असा माजला
माणूस रक्ताने भिजला
हिंसाचार पाहूनी क्रूर हा
मृत्यू ही बघा हो लाजला ||२||
थैमान घातले हैवानांनी
कसे होवोनिया नादान
महाग झाली माणुसकी
स्वस्त झाहले हो प्राण ||३||
कित्येक मेले हकनाक येथे
शोषित बॉम्बस्फोटाचे घाव
नराध्यमांचे कृत्य बघूनी
काळजाने सोडला ठाव ||४||
प्रत्येकाला आपल्या कर्माचा
इथेच द्यावा लागतो हिसाब
नव्या जोमाने करू सामना
येऊ कितीही आता कसाब ||५||
साश्रु नयने भावनेने
वाहते मी श्रद्धांजली
समस्त भारतवासीयांकडून
वीरांना त्या आदरांजली ||६||
सौ.अनिता गुजर
डोंबिवली
0 टिप्पण्या