विक्रोळीत वनिता फाउंडेशन च्या वतीने संविधान दिनानिमित्त नगर राज बिल व मतदाता जागृती कार्यशाळा संपन्न.

 विक्रोळीत वनिता फाउंडेशन च्या वतीने संविधान दिनानिमित्त नगर राज बिल व मतदाता जागृती कार्यशाळा संपन्न.

      मुंबई ,,(प्रतिनिधी) विक्रोळी टागोर नगर येथे वनिता फाउंडेशन ,एरिया सभा समर्थन मंच  , तक्षशिल बुद्ध विहार समिती च्या वतीने संविधान दिनानिमित्त भारतीय संविधान 74 वी घटना दुरुस्तीच्या अनुषंगाने वार्ड निहाय एरिया सभा द्वारे नगर राज बिल व मतदार जागृती कार्यशाळेचे आयोजन करण्यात आले असून कार्यशाळेच्या अध्यक्षस्थानी स्थानिक वार्ड नंबर 119 च्या नगरसेविका मनिषा ताई रहाटे होत्या.  त्यानी आपल्या वार्डातील सोयीसुविधा व समस्या कोण कोणत्या प्रकारच्या आहेत याची माहिती   दिली. असून येथे मोठ्या प्रमाणात झोपडपट्टी असल्याचेही  त्यांनी सांगितले .                                          भारतीय   संविधान 74 वी घटनादुरुस्ती नुसार महानगरपालिका प्रशासन यांच्या निर्णय प्रक्रियेत नगराज विधेयकाच्या माध्यमातून लोकांचा प्रत्यक्ष सहभागासाठी क्षेत्र सभा ,/एरिया सभा वार्ड निहाय कमिट्या स्थापन करून कायद्याची अंमलबजावणी  करून आपल्या विभागाचा विकास होऊ शकतो म्हणून या सभेचे आयोजन स्थानिक नगरसेविका मनिषा ताई रहाटे यांच्यासोबत करून वार्ड क्रमांक 119  ची सर्व प्रकारची माहिती घेण्यात आल्याचे वनिता फाउंडेशनचे संस्थापक प्रभाकर कांबळे यांनी आमच्या प्रतिनिधीशी बोलताना सांगितले.         कार्यक्रमाची सुरुवात दिपप्रज्वलन व संविधानाच्या उद्देशिकेचे  वाचन मैत्री सामाजिक संस्थेचे अध्यक्ष व एरीया सभा समर्थन मंचाचे  सुरज भोईर यांनी केले असून या कार्यक्रमाला प्रमुख उपस्थिती मध्ये डॉ. श्रीपाल कांबळे, मनसेचे वार्ड अध्यक्ष संतोष देसाई मा. हुसेन शेख, राजेंद्र भिसे , प्रीती क्षीरसागर ,सिताराम शेलार समाजसेवक डॉक्टर योगेश भालेराव वनिता फौंडेशनच्या अध्यक्षा वनिता ताई कांबळे तक्षशिला बुद्ध विहार चे  मनोज भाऊ निकाळे ,अरुण कांबळे ,प्रदीप हिरे ,पत्रकार अविनाश  माने आदी मान्यवर उपस्थित होते. सर्वांनी मार्गदर्शनपर विचार मांडले व सर्वांना भारतीय संविधान उद्देशिकेचे वाटप करण्यात आले .शेवटी सर्वांचे आभार फाऊंडेशनचे डॉ. श्रीपाल कांबळे यांनी मांडले असून राष्ट्रगीताने कार्यक्रमाची सांगता करण्यात आली. .