रे कान्हा अडवू नको ना

 रे कान्हा अडवू नको ना

रे कान्हा अडवू नको ना, मज सोड लवकरी।
नको करू मस्करी ही रीत नाही बरी ।।धृ।।

आम्ही जातीच्या गौळणी,। 
विकितो दही दूध लोणी ।।
बिगी बिगी जाता मथुरा बाजारी, का अडविशी वाटेवरी ? ।।१।।

आम्ही गोकुळ च्या नारी ।
पाणी भरीतो यमुनातीरी ।।
घडा भरुनी येता माघारी, का अडवून पदर धरी? ।।२।।

आम्ही गौळ्यांच्या पोरी।
नहाती डोहाभितरी ।।
वस्त्रे लपवूनी पाहतो हरी, का बसुनी कदंबावरी? ।।३।।

© कवी,गीतकार,गायक : हरिसंतोष उर्फ संतोष गोपाळ सावंत 8779172824
(11/8/2020)