✍️ कवी : संतोष गोपाळ सावंत ऊर्फ सागोसूत हरिसंतोष
🎶 ध्रुवपद 🎶
जेन-झीचा एल्गार, सरकार झाले बेजार!
हक्कांसाठी उठला आवाज, ऐका जनतेचा हुंकार!
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥धृ॥
🎶 अंतरा १ 🎶
जेन-झीच्या आंदोलनाने सरकार लागले घाबरायला,
ज्ञानूच्या कारनाम्यामुळे सिंहासन लागले डळमळायला!
तरुणाईच्या रोषाने सत्ताधारी लागले चाचपडायला,
जनतेच्या प्रश्नांना आता लागेल उत्तर द्यायला!
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥१॥
🎶 अंतरा २ 🎶
आंदोलनाच्या पार्श्वभूमीवर रेल्वे-मेट्रो बंद केली,
जंतरमंतर गाठणाऱ्यांची वाटच अवघड केली!
हक्क मागणाऱ्या तरुणाईची अशी कोंडी का केली?
जनतेच्या प्रश्नांची उत्तरे देण्याची वेळ नाही का आली?
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥२॥
🎶 अंतरा ३ 🎶
हातात पदवी, डोळ्यांत स्वप्नं, ओठांवरती सवाल,
रोजगाराच्या प्रतीक्षेमध्ये तरुणाई बेहाल!
आश्वासनांच्या बाजारात जनतेचे हाल बेहाल,
कधी मिळणार न्याय, कधी संपणार हा सवाल?
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥३॥
🎶 अंतरा ४ 🎶
लोकशाहीत जनतेला आंदोलनाचा अधिकार,
शांततेच्या लढ्यामध्ये अडथळे कशाला हजार?
जनतेच्या प्रश्नांना द्या उत्तर, नको आश्वासनांचा भार,
संवादातून सोडवा प्रश्न, हाच लोकशाहीचा शृंगार!
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥४॥
🎶 अंतरा ५ 🎶
लाठीच्या धाकाने जनतेचा आवाज दबणार नाही,
सत्याच्या सूर्यापुढे अन्यायाचा अंधार टिकणार नाही!
तरुणाईच्या जिद्दीपुढे अन्याय कधी जिंकणार नाही,
न्यायासाठी पेटलेली मशाल आता विझणार नाही!
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥५॥
🎶 समारोप 🎶
जेन-झीचा एल्गार, जनतेचा निर्धार,
हक्कांसाठी उठला आज तरुणाईचा हुंकार!
म्हणे सागोसूत हरिसंतोष, ऐका जनतेचा पुकार,
जनतेला न्याय मिळणे, हाच लोकशाहीचा आधार!
बस करा लाठीचा धाक, ऐका जनतेची हाक!
जनता ही मायबाप, नका देऊ तिला मनस्ताप! ॥धृ॥
0 टिप्पण्या