तरुणांनी श्रमदानाने नाटळ रस्त्याची डागडुजी केली.

कनेडी: (वार्ताहर ) कणकवली तालुक्यातील नाटळ फाटा ते थोरले मोहुळ याग्रामीण रस्त्यावरील पावसाळ्यात वाढलेली झाडी व रस्त्याची येथील तरुणांनी हिरहिरिने भाग घेत श्रमदाणाने सापसपाई  व डागडुजी करत संबंधीत खात्यास जागे केले आहे.

       गेले काही दिवसापासुन नाटळ गावातील सकाळी, दुपारी व संध्याकाळी अशा तीन वेळेस थोरले मोहुळ व धाकटे मोहुळ या विभागात येणारी एस.टी सेवा बंद आहे. यामुळेच शाळा,काॅलेजात जाणारे विद्यार्थी तसेच वरिष्ठ नागरिक वृध्द मंडळी, स्त्रिया यांची  अतिशय दयनीय अवस्था झालेली आहे. तीन ते चार किलोमीटरवर नरडवे रोड या मुख्य रस्त्यापर्यंत सगळ्यांना पायपीट करावी लागत आहे. सध्या पंतप्रधान सडक योजनेतून  हा रस्ता होत आहे परंतु पाऊस सुरु झाल्यामुळेच हे काम आता पावसानंतरच होणार आहे. संबंधित विभागाने व ठेकेदारांनी तात्पुरती रस्त्याची डागडुजी केलेली आहे परंतु तरीही पावसाळ्यात रस्त्यावर काही झाडे- झुडपे यांचा अडसर असल्यामुळे एस.टी बस सेवा सुरु झालेली नाही.

        म्हणुनच येथील काही सुजाण ग्रामस्थांनी सदर झाडे-झुडपे यांचा अडसर दुर करुन मार्ग मोकळा करून देण्याचे कार्य केले आहे. तसेच गावचे संरपचाना याबाबत योग्य लक्ष देवुन एस.टी बस सेवा सुरु होण्याबाबत महामंडळास विनंती करावी अशी मागणी  केलेली आहे. तसेच एस.टी महामंडळाला ही सदर बाबतीत विनंती अर्ज दिलेला आहे. नाटळ ग्रामस्थ एस.टी बस सेवा लवकरच  होईल व गावातील विद्यार्थी व वृध्द व आजारी नागरिक यांची होणारी गैरसोय दुर होईल या प्रतिक्षेत आहेत.

       यावेळी दिगंबर सावंत, निलेश सावंत, पांडुरंग सावंत, अनिल सावंत ,  संतोष राणे , गणेश सावंत , दशरथ नाटळकर , अमोल डोंगरे,  गुडेकर , पपू राणे,  टिकू  गुडेकर यांनी गावासाठी एकदिवस श्रमदान करून तरुणांना आदर्श घालून दिला. 

फोटो ओळी: तरुणांनी  श्रमदानाने नाटळ रस्त्याची डागडुजी  केली.