चंपाषष्ठीला वाहिली डोंबिवलीतील सांगावं खंडोबाला हळद..
डोंबिवली ( शंकर जाधव ) चंपाषष्ठी असल्याने डोंबिवलीतील सागाव खंडोबा मंदिरात देवाचा तळी भंडारा भरण्यात आला होता.आगरी - कोळी आणि सर्वच मराठी माणसाच्या मनात घर करणाऱ्या आणि भक्तांच्या हाकेला धावून येणाऱ्या खंडोबा देवाचा चंपाषष्टी या दिवशी खंडोबा ऋषींच्या विनंतीला मान देऊन मणी-मल्लाचा वध करून लिंगद्वय रूपाने प्रगट झाले होते .मार्गशीर्ष महिन्यात 'शुद्ध षष्ठी' ही तिथी 'चंपाषष्ठी' म्हणून साजरी केली जाते. मार्गशीर्ष महिन्यातील पहिल्या दिवशी 'मल्हारी नवरात्री'ला प्रारंभ होतो. त्यामुळे मार्गशीर्ष शुद्ध प्रतिपदेपासून शुद्ध षष्ठीपर्यंत सहा दिवसांची नवरात्र असते. यालाच 'खंडोबाची नवरात्र' असे म्हणतात. खंडोबाच्या जेजुरीमध्ये हा उत्सव मोठ्या भक्तिभावाने साजरा केला जातो. जेजुरीला खंडोबाचे मोठे मंदिर आहे. येथे काही खंडोबा भक्त चंपाषष्ठीला मनोभावे खंडोबाची पूजा करतात. यंदा ९ डिसेंबर रोजी चंपाषष्ठी साजरी करण्यात आली. यादिवशी अनेक जण आपापल्या घरी देखील चंपाषष्ठी साजरी करतात.
0 टिप्पण्या