कविता : ती एक कविता
ती एक कविता काल आली स्वनात ।
हळूच येऊन सांगू लागली माझ्या कानात।।धृ।।
म्हणाली, मी तुमची राणी घ्याना मज कवेत।
दुसरे कुणी नाही मनी; तुम्हीच मला हवेत ।।
धारदार लेखनशैलीने मी तुमच्या प्रेमात ।।१।।
हळूच येऊन सांगू लागली माझ्या कानात।।
ती म्हणाली, सामर्थ्य आहे तुमच्या शब्दांत ।
साज शृंगार करून मजला तुम्ही सजवितात।।
म्हणूनच स्थान द्यावे मज तुमच्या हृदयात ।।२।।
हळूच येऊन सांगू लागली माझ्या कानात।
ती म्हणाली,मी तर असते भलतीच साधी-भोळी ।
तुमच्या शब्दलिलांनी मी नेसते हो साडी-चोळी।।
तुमच्यामुळे हा माझा मान;आज वाढतो जनांत ।।३।।
हळूच येऊन सांगू लागली माझ्या कानात।
ती म्हणाली, विस्कटलेले शब्द सव्यय-अव्यय।
यमक जुळुनी रचनेला देता ताल सूर अन लय ।।
तुमच्याचमुळे संतोष असतो माझ्या जीवनात ।।४।।
हळूच येऊन सांगू लागली माझ्या कानात।
कवी हरिसंतोष
संतोष गोपाळ सावंत
६ मार्च २०२१
0 टिप्पण्या