स्केटिंग खेळाडूंचा 96 तास स्केटिंग चालवण्याचा विक्रम

डोंबिवली  ( शंकर जाधव )बेळगावच्या शिवगंगा स्केटिंग क्लब येथे गिनिज बुक ऑफ वर्ल्ड रेकॉर्डसाठी पार पडलेल्या स्केटिंग विक्रमामध्ये ठाणे जिल्ह्यातील मीरारोडला असलेल्या स्केटलाईफ क्लबच्या 33 खेळाडूंनी 96 तास स्केटिंग चालवण्याचा नवा विक्रम प्रस्थापित केला आहे.

     रोट्रॅक क्लबतर्फे बेळगाव येथे नुकतेच गिनीज बुक ऑफ वर्ल्ड रेकॉर्डमध्ये नोंद होण्यासाठी 96 तासाचे लाजेस्ट स्केट मोटो फार्मेशन स्केटिंगचा विक्रम करण्यात आला. या रेकॉर्डसाठी संपूर्ण भारतातून 496 खेळाडू सहभागी झाले होते. यात ठाणे जिल्ह्यातील 33 खेळाडूंचा समावेश होता.

या सर्व खेळाडूंचा ठाणे जिल्ह्यामध्ये कौतुक होत आहे. या सर्व खेळाडूंना प्रशिक्षक संतोष मिश्रा, प्रफुल खरात आणि अमित मिश्रा यांचे मार्गदर्शन लाभले.