ऑन ड्युटी पोलिसाला भर रस्त्यात शिवीगाळ करणाऱ्या दोघा भावांना न्यायालयीन कोठडीची हवा..
प्रतिनिधी: अवधुत सावंत (डोंबिवली)
मास्क विना फिरणाऱ्या बेपरवाह नागरिकांवर कारवाई करणाऱ्या ऑन ड्युटी पोलीस कर्मचाऱ्याला शिवीगाळ करणाऱ्या दोघा भावांची न्यायालयीन कोठडीत रवानगी करण्यात आली आहे.
कोरोना सारख्या महाभयंकर महामारीचा फैलाव पुन्हा दुप्पटीने होत असल्याने त्यावर आळा घालण्यासाठी पोलीस पुन्हा रस्त्यावर विना मास्क बेपरवाह फिरणाऱ्यांवर दंडात्मक कारवाई करत आहेत. त्यातच ऑन ड्युटी वर असताना मास्क बाबत एका तरुणाला विचारणा करणाऱ्या पोलिसाला भर रस्त्यात शिवीगाळ करून धक्काबुकी केल्याची खळबळजनक घटना समोर आली आहे. ही घटना उल्हासनगर शहरातील कॅम्प नं-4 परिसरातील श्रीराम चौकात घडली आहे. या प्रकरणी विठ्ठलवाडी पोलीस ठाण्यात गुन्हा दाखल करून दोघा भावांना अटक केली गेली आहे. आशिष व आकाश त्रिपाठी (रा. प्रभुरामनगर कोळसेवाडी) असे ऑन ड्युटी पोलिसाला शिवीगाळ करून धक्कबुकी करणाऱ्या आरोपी भावांची नावे आहेत.
दोघांचीही कारागृहात रवानगी..
जिल्ह्यातील विविध शहरात कोरोना सारख्या महाभयंकर महामारीचा प्रादुर्भाव रोखण्यासाठी मुख्य चौकांसह अन्य ठिकाणी स्थानिक महापालिका पथक व पोलीस कर्मचारी विना मास्क बेपरवाह फिरणाऱ्यावर दंडात्मक कारवाई करीत आहेत. अशाच एक कारवाई दरम्यान उल्हासनगरमधील कॅम्प नं-4 येथील श्रीराम चौकात विना मास्क फिरणाऱ्या एका तरुणाला पोलिसांनी हटकले. यामुळे तो तरुण संतप्त होऊन पोलिसाला जाब विचारण्यासाठी घरी जाऊन भावाला घेऊन आला. दोघा भावांनी त्या ऑन ड्युटी पोलिसाला विना मास्क जाताना का हटकले ? याचा जाब विचारून त्या पोलिसाला भर भरस्त्यातच शिवीगाळ केली. याप्रकारचा व्हिडिओ सोशल मिडियावर व्हायरल झाल्यावर खळबळ उडाली. याप्रकरणी विठ्ठलवाडी पोलिसांनी शिवीगाळ करणाऱ्या आशिष व आकाश त्रिपाठी या दोघा भावांविरोधात गुन्हा दाखल करून त्यांना अटक करून न्यायालयात हजर केले असता दोघांना न्यायालयीन कोठडी सुनावण्यात आली आहे. तर दुसरीकडे पोलीस व महापालिका पथकाने नागरिकां सोबत उद्धटपणाणे वागण्या ऐवजी सहानुभूतीपूर्वक वागावे. असे नागरिकांचे म्हणणे आहे.
0 टिप्पण्या